ШҚО-да аз қамтылған отбасылардан шыққан балаларға тегін жол жүруді қамтамасыз ету үшін 178,1 миллион теңге бөлінді. Аталмыш шара 5312 баланы қамтыды.
Бұл туралы ШҚО жолаушылар көлігі және автомобиль жолдары басқармасы басшысының орынбасары міндетін атқарушы Қуаныш Акрамов мәлімдеді, деп хабарлайды F16.kz сайты.
Келесі жылы жеңілдіктер бағдарламасын кеңейту жоспарланып отыр. Атап айтқанда, мемлекеттік дәрежеде марапатталған көпбалалы аналарға тегін жол жүру құқығын беру көзделген.
— Өскемен қаласында электронды билеттеу жүйесі мен көлікті «Oskemen bus» қосымшасы арқылы онлайн бақылау жүйесі қарқынды дамып келеді. 2021 жылдан бері Өскемен және Риддер қалаларында автобустар паркін жаңарту бағдарламасы іске асырылып жатыр. 2024 жылы 195 автобус және 26 шағын автобус сатып алынып, көлік құралдарының 80%-ы жаңартылды, – деді Қуаныш Акрамов.
Фото: rbk.ru
