Катонқарағай ауданының Шыңғыстай ауылында мал ұрлығы өршіп тұр. Бұл ауылда ұрылардан жапа шекпеген үй қалмады. Қарашы жұртты қан қақсатқан қаскөйлердің әрекетіне жергілікті полиция да тосқауыл бола алмай келеді.
Шекаралық аймақтың проблемасын көтеріп жүрген F16.kz журналистері ауылдағы ағайынның мұң-зарын Парламентке жеткізді. Шыңғыстайдағы мал ұрлығына қатысты мәселе Мәжіліс мінберінен айтылды. Сең бұзылды. Қылмыстық іс қозғалды. Катонқарағай халқы әділдікке қол жеткізіп, айыптылар тиісті жазасын алар деп үміттенеміз.
