Шығыс Қазақстан облысы әкімінің өкімімен Самат Қасенов ШҚО мәдениет басқармасының басшысы болып тағайындалды.
Ол — Шығыс Қазақстан облысының тумасы. 2006 жылы С.Аманжолов атындағы Шығыс Қазақстан университетін “Тарих және география” мамандығы бойынша бітірген.
2006 жылдан бастап Шығыс Қазақстан тарихи-өлкетану музейінің тарихи-мәдени мұра бөлімінде қызмет етті. 2013 жылдан бері Шығыс Қазақстан облысы мәдениет басқармасының мәдениет және өнер басқармасында жұмыс істеген. 2019 жылдан бастап Шығыс Қазақстан облысы әкімі аппаратының бас инспекторы қызметін атқарды. 2023 жылдың 14 ақпанынан бастап Шығыс Қазақстан облысының мәдениет басқармасы басшысының орынбасары болып тағайындалды.
2024 жылдың қазан айынан бастап бүгінгі күнге дейін облыстық мәдениет басқармасы басшысының міндетін атқарушы қызметін атқарды.
