ШҚО-да «Жайлы мектеп» Ұлттық жобасы аясында 7 заманауи мектеп салынып жатыр.
Бұл мектептердің жалпы сыйымдылығы – үш мың орын, деп хабарлайды F16.kz сайты.
Оның ішінде 1800 орындық төрт мектеп биыл 25 желтоқсанға дейін пайдалануға берілмек. Тағы 1200 орындық үш мектептің құрылысы 2025 жылы аяқталады.
Айта кетсек, 2023-2024 жылдарға жеті мектеп бойынша 27,3 млрд теңге қарастырылған екен, оның ішінде 18,7 млрд теңге бюджетке түсіп қойған. Ал биылғы қажеттілік 8,6 млрд теңгені құрайды.
«Жайлы мектеп» Ұлттық жобасы үш мың оқушыға жаңа оқу орындарын ұсына отырып, қала мен ауыл арасындағы білім сапасының алшақтығын қысқартуға және білім беру ортасының заманауи стандарттарын енгізуге мүмкіндік береді, бұл жас ұрпақтың жан-жақты дамуына септігін тигізеді.
Фото: azattyq-ruhy.kz
