Өскемен тұрғындары 18 жастан асқан мүгедектігі бар азаматтарға арналған арнайы орталық ашу жөнінде мәлесе көтерді, деп хабарлайды F16.kz.
Әлеуметтік желідегі @zhanarys_autism_vko парақшасында жарияланған үндеуде екі маңызды мәселе көтерілген.
Біріншісі – ерекше қажеттілігі бар ересек азаматтарға қажетті қолдау мен көмек көрсететін арнайы орталықтың жоқтығы. Екіншісі – 18 жасқа толғаннан кейін мүгедектік мәртебесін қайта рәсімдеу мерзімінің ұзақтығы. Өтініш авторлары осы рәсімге қажетті уақытты қысқартуды сұрайды.
«Өскемен қаласында 18 жастан асқан ерекше қажеттілігі бар азаматтарға арналған орталық салуды сұраймыз. Сондай-ақ 18 жастан кейін мүгедектікті қайта рәсімдеу уақытын азайтуды өтінеміз», – делінген үндеуде.
