23 тамыз күн Шығыстың бас шаһарында ең ірі халықаралық автошеру жарыстарының бірі – «Mongol Rally» ралли-марафонының мәресі өтеді, деп хабарлайды F16.kz.
Мыңдаған шақырымды еңсеріп, бірнеше елді басып өткен марафон қатысушылары өз сапарын Шығыс Қазақстанда тәмәмдамақ.
Естеріңізге сала кетейік, «Mongol Rally» мәресі былтыр Өскеменде алғаш рет ұйымдастырылып, қала тұрғындары мен қонақтарының үлкен қызығушылығын тудырған.
Ұйымдастырушылардың мәліметінше, ралли-марафон 13 шілдеде Чехия Республикасының Прага қаласында өткен. Жарысқа 20-дан астам елден 106 команда, 273 марафоншы қатысып жатыр.
23 тамыз күні шараға 57 команда қатыспақ.
Қорытынды кезең 23 тамыз күні сағат 14.00 шамасында Достық үйінің алдында өтеді.
