«Қазақстан Республикасы колледждерінің үздік 100 студенті» республикалық байқауының қорытындысы бойынша Шығыс Қазақстан облысының үш студенті үздіктер қатарынан көрінді, деп хабарлайды F16.kz.
Үздік үш студенттің бірі Арна Арданбекқызы – Абай атындағы Шығыс Қазақстан жоғары педагогикалық колледжінің 4-курс студенті. Ал Раяна Дадаева – «Өскемен жоғары медициналық колледжі» ШЖҚ КМК-ның 3-курс студенті. Рамиз Сапаров – Өскемен жоғары политехникалық колледжінің 2-курс студенті.
Аталмыш байқау – техникалық және кәсіптік білім беру ұйымдарында білім алатын жастардың кәсіби әлеуетін, академиялық жетістіктері мен қоғамдық белсенділігін айқындайтын маңызды алаң.
“Студенттеріміздің республикалық деңгейде жоғары бағалануы – өңірдегі техникалық және кәсіптік білім беру саласының жетістігі әрі жас буынның табандылығы мен ізденісінің нәтижесі” — деп жазды сүйіншілі жаңалықты жеткізген Жастар орталығы.




