Самар ауданында мемлекеттік сатып алуды өткізу кезінде бұзушылықтар анықталды, деп хабарлайды F16.kz сайты.
Самар ауданының прокуратурасы Самар ауылдық округінің әкімінің Қазақстан Республикасының «Мемлекеттік сатып алулар туралы» Заңының 4-ші және 41-ші баптарының талаптарын бұза отырып, бәсекелестік ортада мемлекеттік сатып алуды өткізу жөнінде шаралар қолданбай, бір көзден негізсіз екі шарт жасасқанын анықтады.
— Прокуратураның қадағалау актісі бойынша Самар ауданы сотының 2024 жылғы 15 тамыздағы қаулысымен Самар ауылдық округінің әкімі ӘҚБтК-нің 207—бабы 11—бөлігі бойынша 200 АЕК айыппұл (738 400 теңге) түрінде әкімшілік жауапкершілікке тартылды, — деп мәлімдеді Самар ауданының прокуроры А.Тұрсынов.
Қаулы заңды күшіне енді.
Фото: kaztag
