2025 жылғы 1 қазандағы жағдай бойынша еліміздің жұмыс күші тапшы өңірлеріне ерікті қоныс аудару шеңберінде 5 213 адам көшіп барған, деп хабарлайды F16.kz.
Еңбек және халықты әлеуметтік қорғау министрлігінің ақпараты бойынша көшкендердің 1 725-і қандас, 3 488-і қоныс аударушы екен. Барлық қоныс аударушыға мемлекеттік қолдау шаралары көрсетілді. Сондай-ақ осы жылдың соңына дейін 9 653 адамды көшіру жоспарлануда екені белгілі болды.
Өңірлер бойынша:
- Павлодар облысына – 1 886 адам;
- Солтүстік Қазақстан облысына – 1 516 адам;
- Қостанай облысына – 575 адам;
- Шығыс Қазақстан облысына – 490 адам;
- Абай облысына – 305 адам;
- Ақмола облысына – 257 адам;
- Атырау облысына – 103 адам;
- Ұлытау облысына – 43 адам;
- Қарағанды облысына – 38 адам қоныс аударды.
Қоныстану аймақтарына көшкен қандастарымыз негізінен Өзбекстаннан (612 адам), ҚХР-ден (563 адам), Моңғолиядан (377 адам), Ресейден (84 адам), Түркменстаннан (49 адам) және басқа елдерден (49 адам) келген.
Көшіп келгендердің ішінен еңбекке қабілетті жастағы 2 307 адамның 1 041-і тұрақты жұмыс орындарына орналасқан, 38 адам кәсіпкерлік қызметпен айналысады. Қоныс аударушылар мен кандастар денсаулық сақтау, ауыл шаруашылығы, білім беру, өнеркәсіп сияқты салалар бойынша жұмысқа орналасты.
