Жыл басынан бері еліміздегі Психологиялық қолдау орталықтары 21 298 азаматқа жеке консультациялық және психологиялық көмек көрсетті, деп хабарлайды F16.kz.
Оқу-ағарту министрлігінің ақпараты бойынша, көмек алғандардың көбі, яғни 12 314-і бала екен. Сондай-ақ 8 984 ата-ана да маман көмегіне жүгінген.
Айта кетейік, мұндай орталықтар Мемлекет басшысының тапсырмасы бойынша еліміздің 20 өңірінде ашылған болатын.
– Олар балалар мен олардың отбасыларының әл-ауқатын нығайтуға бағытталған психологиялық, құқықтық және әлеуметтік көмек көрсетеді, – деп жазады министрліктің баспасөз қызметі.
