29 тамыз күні Өскемен қаласындағы амфитеатрда өзгеше форматтағы кеш өтеді. Дәстүрлі түрді ұйымдастырылып келе жатқан кештің басты дресс коды – ақ түсті киім, деп хабарлайды F16.kz.
Жиналған халық интерактивті ойын ойнап, әуен тыңдап, би билеу мүмкіндігін алады.
Қала әкімдігінің қолдауымен өткізілетін шарада 30-дан астам қызықты ойын-сауық аймақтары ұйымдастырылмақ. Мәселен, футбоулинг, футболдық дартс, әуе шайқасы, дженга, батут және басқа да қызықты ойындар өткізу жоспарланған.
Қала тұрғындары мен қонақтарын ашық аспан астындағы сәнді кеште күтеміз. Бұл шара, көңілді әуен, би алаңы және нағыз мерекелік атмосфера ұмытылмас эмоциялар, ерекше көңіл-күй мен қуаныш сыйлайтыны анық.
Мерекелік кеш 29 тамыз күні сағат 18.00-де амфитеатрда өтеді.
