Ел ішінде “бірінші қалалық аурухана” аталып кеткен облыстық мамандандырылған медициналық орталығының тағы бір бөлімінде күрделі жөндеу жұмыстары аяқталды, деп хабарлайды F16.kz.
Урология бөлімінде толықтай бөлмелер мен инженерлік желілер жаңартылып, дәрігерлердің жұмысына және пациенттердің ем алуына қолайлы жағдай жасалған.
Бұған дейін гинекология және инновациялық медицина бөлімдерінде жөндеу жүргізілген. Барлық өзгерістер облыс әкімі Нұрымбет Сақтағановтың тапсырмасымен әзірленген аурухананы жаңғыртудың кешенді жоспары аясында жүзеге асып жатыр. Қыркүйек айының сонына дейін урология және басқа да жаңартылған бөлімдерге жаңа кереуеттер мен жиһаз жеткізіледі, — деді ШҚО әкімінің бірінші орынбасары Жақсылық Омар.
Сондай-ақ бөлімді қажетті құрал-жабдықтармен қамту бойынша да тапсырма берілді.
