Шығыстың бас шаһарының тұрғындары тамыз айының соңында қос мерекені қатар атап өтеді. Жылдағы дәстүрден таймай, биыл да қалада Конституция күні мен Қала күніне орай бірқатар шара жоспарланған, деп хабарлайды F16.kz.
Жоспарда мәдени және спорттық іс-шаралар бар:
26 тамыз: сағат 18:00-де – Арбатта көше мәдениеті фестивалі;
27 тамыз:
• сағат 10:00-де, Қазақстан көшесі 159 мекен жайындағы «Гостиный двор» сауда кешенінде жергілікті тауар өндірушілердің «Өскемен өнімі» көрмесі;
• сағат 18:00-де, Тохтаров көшесі 47а мекенжайында (Жастар саябағы) классикалық музыка кеші «Жарқыраған оперетта сәті» өтеді;
28 тамыз:
• сағат 09:00-де, Ахмердегі Қабанбай батыр ескерткіші алдында ұлттық спорт түрінен «Шырға тарту» жарысы;
• сағат 18:00-де, Достық үйінің алдындағы алаңда 90–2000 жылдар стиліндегі костюмді музыкалық кеш;
29 тамыз:
• сағат 17:00-де, Үлбі жағалауында «Аналар шеруі»;
• сағат 18:00-де, Амфитеатрда сәнді кеш «OSKEMEN QALAISYN».
Әлеуметтік желі қолданушылары биыл көпшілік асыға күтетін гала концерт қашан өтетінін және кештің басты қонағы кім екенін жарыса сұрап жатыр. Ал, қала әкімдігі ол туралы ақпаратты жария етпеді.
