Өскеменде жас жігітті аяусыз соққыға жығып, денесін ауруханаға тасап кеткен екі күдікті әлі ұсталған жоқ, деп хабарлайды F16.kz.
Естеріңізге сала кетейік, оқиға маусым айының басында болған. Бір топ адам жас жігітті алдымен аяусыз соққыға жығып, артынша денесін ауруханаға апарған. Облыстық полиция департаменті кісі өлтіру фактісін растап, оқиғаға қатысы бар 3 күдіктіні бірден қолға түсірген. Тағы үш күдіктіге іздеу жарияланды.
Бүгінде сотқа дейінгі тергеп-тексеру жүргізіліп жатыр. Қылмысқа қатысы бар барлық тұлғалардың жеке басы анықталған.
Іздеу жарияланған үш күдіктінің біреуі ұсталып, уақытша ұстау изоляторына қамалды. Тағы екі күдіктіге іздеу жарияланды. Қазіргі уақытта оқиғаның мән-жайы мен себептерін анықтауға бағытталған барлық жедел-тергеу іс-шаралары қолға алынған. Азаматтарды тек тек ресми әрі шынайы ақпаратқа сүйенуге шақырамыз, — деді ШҚО ПД баспасөз қызметі.
ҚР ҚПК 201-бабына сәйкес өзге ақпарат жария етуге жатпайтынын айтады.
