«Қазгидромет» ШҚ филиалының ақпараты бойынша, 12 қазанда облыстың солтүстігінде, шығысында қатты жаңбыр жауады.
Оңтүстік-батыстан соғатын жел солтүстік-батысқа ауысады, облыстың солтүстігінде, шығысында, оңтүстігінде — 15-20, екпіні — 25 м/с.
Ал Өскемен қаласында желдің екпіні 15-20 м/с дейін жетеді.
Облыстың батысында, солтүстігінде, оңтүстігінде, орталығында жоғары өрт қауіпі сақталады.
Осы ретте Төтенше жағдай қызметі облыс тұрғындарына қауіпсіздік шараларын еске салады:
— желдің қатты екпіні кезінде ескі және жалғыз өсіп тұрған ағаштардан аулақ болыңыздар және олардың жанына көліктеріңізді тұраққа қоймаңыздар; сымдар мен теңселіп тұрған заттардың қасына жақындамаңыз;
— автомобильшілер жылдамдық режимін сақтауы керек, жаяу жүргіншілер жарақат алу мүмкіндігін азайту үшін шаралар қабылдауы керек;
— өрт қауіптілігі жоғары кезде табиғат аясында және үй жанындағы жерлерде от жағуға болмайды;
— отпен абай болыңыз.
— өрт болған жағдайда «101» нөміріне қоңырау шалыңыз.
Фото: pixabay.com
