Өскеменде «Туған жер – алтын бесігім!» жобасы аясында Үлкен Нарын ауданының мәдени күндері өтеді, деп хабарлайды F16 порталы.
Белгілі болғандай, іс-шара осы аптаға, дәлірек айтсақ, 31 қазан мен 1 қараша күндеріне жоспарланып отыр.
31 қазан
- сағат 17:00-де Шығыс Қазақстан облыстық филармониясында аудан қолөнершілері мен ауылшаруашылық өнімдерінің көрмесі өтеді, тарихи-өлкетану музейі жәдігерлерінің экспозициясы ұйымдастырылады;
- сағат 18:00-де облыстық филармонияның үлкен залында Үлкен Нарын ауданы шығармашылық ұжымдарының концерті өтеді.
1 қараша
- сағат 08:00-ден бастап «Алтай» көтерме-тарату орталығы алаңында Үлкен Нарын ауданы ауылшаруашылық өнімдерінің жәрмеңкесі мен көркемөнерпаздарының концерті өтеді. Сондай-ақ, «Қол күрес», «Қой көтеру», «Қымыз ішу», «Садақ ату» сияқты спорт ойындары ұйымдастырылады.
