Самар ауданының Сарыбел ауылы Шығыс Қазақстандағы үлкен туристік орындарының бірі болып саналады.
Бұл локация — Сарыбел сарқырамасы.
Сарқыраманың бар екенін көп ешкім біле бермейді. Ол Сарыбел ауылында орналасқан, деп хабарлайды F16.kz сайты.
Көп адамдар іздеп «водопад» деген жазуды көріп, судың жағасына кетіп қалады.
Сарыбелдің арғы жағында Ақшоқы ауылында бастау бар. Бұл – соның суы. Ауыл ертеректе Бұқтырма су қоймасы салынған кезде көшіріліп, Сарыбелге қосылған. Үңгір сияқты, қатпар тастардан жыпсып су ағып жатыр. Көктемде молайып, сарқырама болып ағады.
— Жыл сайын Самар ауданына демалуға келемін. Сарыбелде осындай әдемі жер бар екенін бұрын соңды естімедім. Қазір көріп таң-тамаша болып, сүретке түсіп жатырмыз. Шығыс туризмі дами берсін, — деді демалушылардың бірі.
![\"\"](\"https://f16.kz/uploads/posts/2024-07/1721831319_whatsapp-image-2024-07-24-at-12_33_28.jpg\")
![\"\"](\"https://f16.kz/uploads/posts/2024-07/medium/whatsapp-image-2024-07-24-at-12_33_31.jpg\")
