Бүгін облыс орталығында болған жол апатына қатысты тың мәліметтер белгілі болды, деп хабарлайды F16.kz.
Бажов және Металлургтер көшелерінің қиылысында болған жол апатынан үш әйел адам жарақат алғаны анықталды.
Екі адам ауруханаға жатудан бас тартты. Ал, 1972 жылы туған әйел қолы сынып, жабық бас-ми жарақатымен ауруханаға жеткізілді, — деп мәлімдеді облыстық денсаулық сақтау басқармасы.
Естеріңізге сала кетейік, бүгін таңертең сағат 09.00 шамасында Бажов көшесінде жол-көлік апаты болды. Mercedes-Benz жүк көлігі жаяу жүргіншілер өткелінде жолды кесіп өтпек болған әйел адамды қағып кеткен видео әлеуметтік желіге тарай бастады.
