Әлеуметтік желілерде балалар арбасымен қоғамдық көлікке кіруге тыйым салынғаны туралы ақпарат тарады. Алайда ҚР Көлік министрлігі бұл мәлімдемелер шындыққа сәйкес келмейтінін түсіндірді. Қолданыстағы ережелер ата-аналардың балалар коляскасымен автобусқа мінуіне тыйым салмайды, деп хабарлайды F16.kz.
Автомобиль көлігімен жолаушылар мен багажды тасымалдау қағидаларына енгізілген өзгерістерге сүйенсек, автобус салоны шамадан тыс толған жағдайда, ата-анаға арналған бос орын болған кезде балалар коляскасын жиналған күйде алып жүру қарастырылған. Бұл ретте коляска өзге жолаушылардың еркін қозғалуына кедергі келтірмеуге тиіс.
Аталған талаптың негізгі мақсаты – қоғамдық көліктегі жолаушылардың, соның ішінде балалар мен оларды алып жүретін ата-аналардың қауіпсіздігін қамтамасыз ету және автобус салонындағы өту жолдарының ашық болуын сақтау. Сонымен қатар, егер ата-анаға колясканы жинау қолайсыз болса, ол сапарын колясканы жайылған күйінде жалғастыра алады, — делінген министрлік мәлімдемесінде.
Егер бұл талаптар орындамаған жағдайда жолаушыға айыппұл салу, оны автобустан түсіру немесе өзге де санкциялар қолдану көзделмеген.
Осылайша, балалар коляскасымен автобусқа кіруге толық тыйым салынды деген ақпарат негізсіз. Жаңа талаптар жолаушылардың қауіпсіздігін қамтамасыз етуге бағытталған.




