Шығыс Қазақстан облысында қоңыр аюдың саны едәуір өсті, 2022 жылғы дерек бойынша өңірде 2 977 қоңыр аю болған, биыл 3 787-ге жетіпті, деп хабарлайды F16.kz.
Орман шаруашылығы және жануарлар дүниесі аумақтық инспекциясының мәлімдеуінше, 2025 жылы тұрғындар елді мекенге аю жақын келді деп 39 рет хабар берген. Биыл мұндай хабарлама саны – 47.
Көбінесе Риддер мен Алтай ауданының тұрғындары аю ұшырасқаны жөнінде жиі хабар беретін көрінеді. Өткен жылы риддерліктер орман және аңшылық шаруашылығының арнайы жасағына 23 өтініш берсе, биыл 22 өтініш тіркелген. Алтай ауданының тұрғындары былтыр 11, биыл 20 өтініш беріп үлгерген.
Статистика деректері бойынша, аймақтағы қоңыр аюдың саны соңғы жылдары үздіксіз өсіп келеді. 2023 жылы 3260, 2024 жылы 3113, 2025 жылы 3296 қоңыр аю бар деп белгіленсе, биыл қоңыр аю саны 3787-ге жеткенін хабарлады мамандар.
Бұл әлі түпкілікті көрсеткіш емес. Аймақтағы аюлардың саны туралы соңғы мәліметтер күзгі есеп жүргізілгеннен кейін нақты белгілі болады.




