Туберкулезбен ауыратындар саны азайды – ШҚО
ШҚО-да туберкулез ауруы 37,9%-ға, балалар арасындағы аурушаңдық 62,5%-ға азайды. Бұл туралы ШҚО фтизиопульмонологиялық орталығының стационарлық қызмет және профилактикалық жұмыс жөніндегі басшысының міндетін атқарушы Болатбек Елшібеков өңірлік коммуникациялар қызметі алаңында мәлімдеді, деп хабарлайды F16.kz.
Бұл жетістіктер медициналық ұйымдардың мақсатты жұмысының арқасында мүмкін болды. Олар ауқымды профилактикалық тексерулер өткізіп, тестілеуге мүмкіндікті арттырып, заманауи диагностикалау және емдеу әдістерін енгізді, - деп атап өтті Болатбек Елшібеков.
Қазақстанда биылғы 24 ақпан мен 24 наурыз аралығында туберкулезбен күрес айлығы өтті, ол Дүниежүзілік туберкулезбен күрес күніне орай ұйымдастырылды. Бұл шаралар аясында туберкулездің алдын алу, оның симптомдары, ерте диагностиканың маңызы туралы халыққа ақпарат берілді. Мамандар қазіргі заманғы зерттеу және емдеу әдістері туралы айтып, дәріге сезімталдықты тексерудің маңызына назар аударды.
Әйтсе де, мамандар туберкулез ауруының қартайып бара жатқанын атап өтті.
2014 жылы туберкулезге шалдыққан адамдардың үштен бірі 45 жастан асқан болса, 2023 жылы ол 51%-ға жеткен. Бұл қарт адамдар санының артуымен байланысты, сондықтан бұл топқа профилактикалық шараларға ерекше көңіл бөлу қажет.
Аурудың таралуына ықпал ететін негізгі факторлар ретінде мамандар АИТВ инфекциясының кең етек алуын, қант диабетінің өсуін, сондай-ақ алкоголь мен темекі тұтынуды атап айтты.
Айлықаясында «Туберкулез — ашықайтамыз, біргеәрекететеміз!» челленджібасталды. Бұл шараның негізгі мақсаты – халықты ақпараттандыру және ауруға қатысты қалыптасқан таптаурын түсінікті жою.
Сонымен қатар туберкулезбен ауыратын адамдарды стигматизациялау мәселесіне де жіті назар аударылды, бұл олардың диагноз қойылуы мен емделуін қиындататын фактор болып отыр.
Фото: Өңірлік коммуникациялар қызметі
