Жеке сектордың тұрғындары от жағып, күл шығарудан құтылады – Өскемен

Биыл Өскеменде тұрмыстық пешпен жылытылатын жеке тұрғын үйлерді заманауи блок-модульді қазандықтарға қосу қолға алынбақ. Бұл көк түтінге көмілген қаланың экологиялық жағдайын жақсартуға септігін тигізеді, деп хабарлайды F16.kz.

Облыс орталығындағы жылу жүйесін ауқымды жаңғырту аясында қазандықтарды қайта құру және жаңа жылу көздерін салу көзделген. Атап айтқанда, барлығы 28 учаскеде 12,637 км жылу желілерін ауыстыру жоспарда бар. Оның ішінде биыл инвестициялық бағдарлама аясында 6,357 км, «Инвестиция орнына тариф» мемлекеттік бағдарламасы аясында 6,279 км желілер жаңартылады.

Жөндеу жұмыстарынан кейін 534 шаршы метр жылу оқшаулағышты қалпына келтіріп, 1300 шаршы метр аумақтың асфальт-бетон жабынын жаңарту жоспарланған. Бұл жұмыстарды іске асыру жылу желілерінің тозуын 1,35%-ға дейін төмендетуге мүмкіндік береді. Бұдан бөлек жылу энергиясын өндіруге және жеткізуге тікелей қатысатын нысандарды жөндеу де қолға алынады.

Барлық жоспарланған шаралардың басты мақсаты – қала тұрғындарын үздіксіз әрі сапалы жылумен қамтамасыз ету. Ескі жылу желілерін ауыстыру және қазандықтарды жаңғырту. Бұл апатты жағдайлардың алдын алуға және жылу жоғалтуды азайтуға мүмкіндік береді, – деді Өскемен әкімі Алмат Ақышов.

Фото: F16.kz

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0