Балдан бұлақ ағызған: Шығыстың үздік омарташылары анықталады
Өскеменнің іргесіндегі Шығыс Қазақстан ауыл шаруашылығы тәжірибе станциясында омарташылар байқауы өтеді, деп хабарлайды F16.kz.
Жұмысшы мамандықтар жылы аясында ұйымдастырылатын байқауға өңірдің аудан-қалаларынан үздік омарташылар келіп қатысады. Ондағы мақсат – омарташылардың кәсіби деңгейін арттыру, үздік мамандарды анықтау, тәжірибе алмасу алаңын қалыптастыру, сондай-ақ бал өндірісіне заманауи технологияларды енгізуді насихаттау.
Байқау барысында қатысушылардың жетістіктерін таныстыру, тәжірибе алмасу, сондай-ақ үздіктерді марапаттау рәсімі болады Мұндай кездесулер ауыл шаруашылығы саласының даму бағытын айқындап, жас омарташылар үшін мол тәжірибе болары сөзсіз.
Бұл күні кәсіби мереке аясында ШҚО-ның білікті омарташыларына Ауыл шаруашылығы министрлігі атынан марапаттар табысталады.
Фото: pixabay.com
