Секисовка ауылында жаңа амбулатория ашылды

Глубокое ауданына қарасты Секисовка ауылында «Ауылдық денсаулық сақтауды жаңғырту» пилоттық ұлттық жобасы аясында жаңа дәрігерлік амбулатория ашылды, деп хабарлайды F16.kz.

Жаңа медициналық нысан инфаркт, инсульт, жарақат және өзге де шұғыл жағдайларда ауыл тұрғындарына дер кезінде көмек көрсетуге мүмкіндік береді. Сонымен қатар ауыл халқының денсаулығын нығайту, уақытылы профилактикалық және сауықтыру шараларын өткізу, скринингтік тексерулер жүргізу де жолға қойылады.

Бұған дейін амбулатория қарапайым ғимаратта орналасқан еді. Бұл тұрғындар мен дәрігерлер үшін қолайсыздық тудыратын. Қазір ауылымызда жаңа ұрпақ өсіп келеді, ал олардың денсаулығына қарайтын білікті мамандар болса, болашағымыз жарқын болады, – дейді ауыл тұрғыны Елена Блинова.

«AMANAT» партиясының сайлауалды бағдарламасын іске асыруға арналған Жол картасында облыс бойынша 36 медициналық нысанның құрылысы жоспарланған. Атап айтқанда, 7 дәрігерлік амбулатория, 2 фельдшерлік-акушерлік пункт және 27 медициналық пункт бой көтереді.

«AMANAT» партиясының сайлауалды бағдарламасы мен «Ауылдық денсаулық сақтауды жаңғырту» ұлттық жобасы аясында Глубокое ауданында екі жылда 6 нысан салынады. Секисовка ауылында ашылған амбулатория – үшінші медициналық мекеме. Мұндай жаңа әлеуметтік нысандар – ауыл тұрғындары үшін үлкен қуаныш, – деді Глубокое ауданы әкімінің орынбасары Елена Старенкова.

Аталған нысанның құрылысын «AMANAT» партиясының бақылау комиссиясы мүшелері мен мәслихат депутаттары тұрақты бақылауда ұстап, ұдайы мониторинг жасап отырған.

Фото: ШҚО ішкі саясат басқармасы

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0