Электрондық сауда алаңында «Рахман қайнары» шипажайын мемлекеттік органдардың балансына беру бойынша сауда-саттық өтті, деп хабарлайды F16.kz сайты ШҚО әкімдігінің баспасөз қызметіне сілтеме жасап.
Нәтижесінде шипажай Шығыс Қазақстан облысының кәсіпкерлік және индустриялық-инновациялық даму басқармасының балансына берілді.
– 22-тамызда сауда-саттық өтті. Бүгінгі таңда нысанды қабылдауға мемлекеттік органдардан құралған комиссия барды. Шипажайды шетелдік компанияларға беру жоспарда жоқ, – деп атап өтті ШҚО кәсіпкерлік және индустриялық-инновациялық даму басқармасының басшысы Ардақ Мәдиев.
Айта кетсек, шипажай 1964 жылы ашылған. Негізгі емдік фактор - ауруларды емдеу үшін қолданылатын минералды радон сулары.
Бұған дейін «Бипэк Авто — Азия авто» компаниялар тобының жеке меншігінде болған. 2021 жылдың мамыр айында жұмысы тоқтатылған болатын.
Қатысты сілтемелер:
Өскемендегі рұқсатсыз қоқыс полигоны: экологтар бір апта уақыт берді
Қос азаматтығы бар 16 адам анықталды, екеуі елден шығарылды - ШҚО
Өскеменде ONAY жүйесі неге уақытында іске қосылмады?
Әзірбайжанда өткен турнирде ШҚО спортшылары күміс медаль иеленді
Тарбағатай ауданында ерекше балаларға арналған кабинет ашылды
