Шымкентте 71 млн теңге жымқырған мектеп директоры мен бас есепші сотталды
Шымкент қаласында білім беру мекемесінің директоры мен бас есепшісі 71 млн теңгеден астам мемлекет қаржысын иемденгені үшін сотталды, деп хабарлайды F16.kz.
Қалалық соттың мәліметінше, олар екі жыл бойы педагогтарға артық мөлшерде жалақы тағайындап, ол ақшаны өз мүдделеріне пайдаланған.
Олардың бұл әрекетінің салдарынан мемлекеттің 71 млн теңгеден астам ақшасы талан-таражға түскен.
Бұдан бөлек, директордың орынбасары арқылы декреттік демалыста болған мұғалімнен жұмысқа мерзімінен бұрын шығу үшін пара алынғаны да дәлелденді. Аталған сома – 150 мың теңге.
Сот барысында айыпталушылардың бірі өз кінәсін мойындап, өкінетінін білдірсе, екіншісі өзіне тағылған айыптарды жоққа шығарып, ақталуға тырысты. Алайда, сот шешімімен екі қызметкер де 8 жылға бас бостандығынан айырылып, оларға мемлекеттік қызметте еңбек ету құқығы өмір бойына шектелді.
Фото: F16.kz/коллаж
