Қазақстанда 1,8 мың көлік заңсыз тіркелген: күдіктілер ішінде полиция өкілдері бар

Қаржылық мониторинг агенттігі (ҚМА) 31 млн теңгенің автокөліктерін заңсыз тіркеу жолын әшкереледі. Мемлекетке келген шығын көлемі – 11,8 млрд теңге, деп хабарлайды F16.kz.

Агенттік ұсынған мәліметке сүйенсек, кейінгі үш жылда 1,8 мыңнан астам автокөлікті заңсыз тіркеуге қою фактісі бойынша 88 қылмыстық іс тергелді. Соның салдарынан мемлекетке 11,8 млрд теңге шығын келген.

Ведомствоның хабарлауынша, аталған іс бойынша 70 адам күдікті ретінде қарастырылған, олардың арасында әкімшілік полиция басқармасының басшылары мен қызметкерлері, «Азаматтарға арналған үкімет» мемлекеттік корпорациясы» коммерциялық емес акционерлік қоғамының өкілдері бар.

Нәтижесінде бюджетке 900 млн теңге алым төленді. Бұдан бөлек жалпы құны 31 млрд теңге болатын 1,5 мың көлік құралына, сондай-ақ 968 млн теңге көлемінде күдіктілердің мүлкіне шектеу қойылды, - деп хабарлады ҚМА.

Осындай жағдайдың бірі Ақмола облысында болды. Агенттік мәлімдегендей, 2020 жылдан 2022 жылға дейінгі аралықта онда 55 жүк көлігі заңсыз алғашқы тіркеуден өткізілген. Мемлекетке келтірілген залал –401 млн теңге. Қылмыстық топтың құрамында әкімшілік полиция басқармасының қызметкері болған.

Сот кінәлілерге 2,5 жыл мерзімге бас бостандығынан айыру жазасын тағайындады. Сонымен қатар мемлекет кірісіне жалпы құны 125 млн теңге болатын үш пәтер мен жеке үй, сондай-ақ 21 млн теңге көлемінде ақшалай қаражат тәркіленді, – деп нақтылады Қаржылық мониторинг агенттігі.

Фото: F16.kz/коллаж

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0