ШҚО-да туристерге қызмет көрсететін орталық ашылды

Өскемен қаласында жаңа туристік ақпараттық орталық ашылды. Ол қандай қызмет көрсетеді? 

Туристік орталық немесе визит-орталық  - облысқа келген қонақтарға, туристер мен саяхатшыларға, сондай-ақ жергілікті тұрғындарға да пайдалы ақпарат беретін орын. Мысалы, түрлі көрікті орындар, туристік маршруттар, көрсетілетін қызметтер және т.б. қажет ақпарат алуға болады, деп хабарлайды F16.kz сайты. 

Расымен, бұған дейін өңірге ат басын тіреген турист «далаға келгендей» күй кешетін. Алдын ала таныс-тамыр іздеп, қамдану қажет болатын. Енді, міне, бірден осы орталыққа бара алады.  Олар қажет болса 24 сағат бойы қызмет етуге дайын.

Орталықтың орналасқан жері де қолайлы - облыс тұрғындарының сүйікті демалыс орнына айналған Сол жағалау кешенінің кіреберісінде. 

Сонымен, орталық қандай қызмет көрсетеді, қандай ақпарат бере алады? Атап көрсетейік:

-          Қайда, қалай, қай бағытпен, қанша уақытта баруға болады?

-          Қай жерде қандай демалыс орындары, емдеу орталықтары бар? 

-          Облыс аумағындағы барлық саяхат орындары мен турфирмалар туралы толыққанды ақпарат.

-          Орталықтан бал, панты сияқты брендтік өнімдер, қолөнер бұйымдарын да сатып алуға болады. Тіпті, өзімізде шығарылған саяхатқа арналған киімдер де саудаланбақ. 

Бұдан бөлек, туристік орталықтар мен саяхат орындары туралы ақпарат парақтары әуежай мен вокзалдарға да орналастырылады екен.

Фото: f16.kz