Өскемен-Риддер: жол апаты болды, адам шығыны бар

Кеше, 16 сәуірде Өскемен-Риддер тас жолының 4-ші шақырымында үш көлік – «КамАЗ», «ВАЗ 2109» және «Honda Inspire» соғылып, оқиға орнында бір адам мерт болды, деп хабарлайды F16.kz.

ШҚО полиция департаменті баспасөз қызметінің мәліметінше, республикалық трассаның бойындағы жол апатынан «ВАЗ 2109» маркалы автокөліктің жүргізушісі қатты соққы салдарынан тіл тартпай кеткен.

Қазір сотқа дейінгі тергеу жүргізіліп, оқиғаның себеп-салдары анықталып жатыр.

Шығыс Қазақстан облысының полиция департаменті мұндай оқиғалардың алдын алу үшін көлік жүргізушілеріне жылдамдық режимін қатаң сақтауды, әсіресе қауіпті учаскелерде абайлап жүруді және көлік құралының техникалық жай-күйін ұдайы қадағалап отыруды ескертеді. 

Фото: F16.kz/шартты сурет