ШҚО-да «Ардағым-ардагерім» акциясы өтеді

Шығысқазақстандық еріктілер биыл басты назарды Ұлы Жеңістің 80 жылдығына қояды. Бұл туралы ШҚО Ішкі саясат басқармасының “Жастар ресурстық орталығы” КММ директоры, облыстық фронт-офис жетекшісі Айдос Әділбеков айтып берді, деп хабарлайды F16.kz тілшісі.

Қазіргі күні облыс аумағында 37 үкіметтік емес ұйым, 13 бастамашыл топ және 2 мыңнан астам ерікті жұмыс істейді.

Өткен 2024 жылы 5,2 мыңнан астам адамның қатысуымен 685 волонтерлік іс-шара ұйымдастырылған. Сондай-ақ Глубокое және Зайсан аудандарында волонтерлік бастамаларды қолдау мақсатында жалпы сомасы 3,5 миллион теңгеге жуық әлеуметтік жобалар жүзеге асырылды.

Ағымдағы жылы жұмыстар волонтерлікті дамыту және қолдау жөніндегі Жол картасы бойынша жалғасады. Биыл Ұлы Жеңістің 80 жылдығына орай «Ардағым-ардагерім» атты әлеуметтік акция жыл көлемінде өтеді. Қазақстан халық ассамблеясы мен ҚР Конституциясының 30 жылдығына орай түрлі іс-шаралар жоспарлап отырмыз, - деді Айдос Әділбеков.

Сондай-ақ «Таза Қазақстан», «Таза ойындар» акциясы, «Экосақшы» жобасы және «Жақсылық» марафондары жалғасады.

Фото: ШҚО өңірлік коммуникациялар қызметі

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0