Марқакөл ауданының әкімі тағайындалды

Бүгін ШҚО әкімі Ермек Көшербаев Марқакөл ауданының жаңа әкімін таныстырды.

Бұл лауазымға Рүстембек Кемешев тағайындалды, деп хабарлайды F16.kz сайты.

Ол осыған дейін Марқакөл ауылдық округінің әкімі қызметін, аудан әкімінің міндетін атқарушы болған.

- Рүстембек Кемешев 2019 жылдан бастап Марқакөл ауылында жұмыс істеді, 2020 жылдан бастап ауылдық округ әкімінің міндетін атқарды, 2023 жылы осы қызметке тағайындалды. Сондықтан жаңадан құрылған ауданның жағдайын біледі, келешегі мен осал тұстарын түсініп, ең бастысы Марқакөл ауданының тыныс-тіршілігін жақсы жаққа өзгертіп, еңбек етуге дайын екені анық. Жаңадан құрылған ауданда қызметтік міндеттерін атқара отырып Рүстембек Кемешев су тасқыны кезінде өзін білікті басшы ретінде көрсетті. Марқакөлдің көркейіп, өркендеу үшін қолдан келгеннің бәрін жасап жатқанын түсінетін аудан тұрғындары да мұны жақсы қабылдады, - деп хабарлады облыс әкімінің баспасөз қызметі.