Қытайлық дәрігерлер ШҚО мамандарымен тәжірибе алмасады

Шығыс Қазақстан облысының делегациясы Қытай Халық Республикасының Шыңжан-Ұйғыр автономиялық ауданына сапары барысында Алтай аймақтық дәстүрлі қытай медицинасы ауруханасында болды, деп хабарлайды F16.kz тілшісі.

Аталған көпсалалы ауруханада емдеу, шұғыл медициналық көмек, оңалту, білім беру және ғылыми зерттеу бағыттарына қарқынды дамыған. Аурухана өкілдерінің айтуынша, медициналық мекеме СҰАА аумағында клиникалық қазақ медицинасы, дәрілік заттарды әзірлеу және мамандарды даярлау саласында жетекші орын алады.

Қазір аурухана аумағында автономиялық ауданның лицензиясы бар 28 түрлі ауруханаішілік өндірістегі дәрілік препараттар шығарылады. Сондай-ақ заманауи медициналық жабдықтармен толық жабдықталған. Атап айтқанда, GE компаниясының 64 тілімді компьютерлік томографы, 1,5 Тл магнитті-резонанстық томографы, Philips компаниясының жоғары сапалы ультрадыбыстық зерттеу құрылғылары және Olympus тораколапароскопиялық құрылғылары жұмыс істейді.

Маусым айында ШҚО дәрігерлері үшін қытайлық мамандардың қатысуымен шеберлік сабақтар өткізіледі. Сонымен қатар Өскемендегі дәстүрлі қытай медицинасы бағытында бірлескен кәсіпорын құру жоспарланып отыр. Бұл бастамалар екіжақты медициналық ынтымақтастықты кеңейтуге, тәжірибе алмасуға және заманауи технологияларды қолдана отырып тұрғындардың денсаулығын жақсартуға бағытталған, - дейді ШҚО әкімінің баспасөз қызметі.

Фото: ШҚО әкімінің баспасөз қызметі

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0