Бүгін таңертең Айнабұлақ ауылында жеке тұрғын үйден өрт шығып, үй ішінде қалған төрт бала мен бір қария құтқарылды.
Қауіпті жағдайда алғашқы болып көмекке келген ауыл тұрғыны Талғат Мүсірат батылдық танытып, адамдарды қауіпсіз жерге шығаруға көмектесті, деп хабарлайды F16.kz сайты.
Өрт сағат 10:00 шамасында басталған. Жалын шарпыған үйден шыға алмай қалған балалар мен қарияның жан даусын естіген Талғат Мүсірат еш ойланбастан ішке кірген. Ол балаларды және үлкен кісіні терезе арқылы сыртқа шығаруға көмектесіп, оларды сыртта тұрған адамдар қабылдап алған.
Талғаттың жылдам әрекеті мен батылдығы бес адамның өмірін сақтап қалды. Оның бұл ерлігі ауыл тұрғындарының арасында үлкен құрметке ие болды. Куәгерлер мен көршілері оның қайсарлығын жоғары бағалап, шынайы ризашылықтарын білдіріп жатыр.
Осындай батыл азаматтарымыз көп болсын!
Фото: ШҚО ТЖД
