Ләззат Қанатқызы
Жаналықтар
ШҚО-да 1 млн теңгеден астам айыппұлы бар жүргізуші ұсталды
Өскеменде «Қауіпсіз жол» жедел профилактикалық іс-шарасы барысында белгіленген тәртіппен тіркелмеген транзиттік нөмірі бар «Toyota» маркалы автокөлігі анықталды, деп хабарлайды F16.kz тілшісі.
Тексеру барысында көлік тізгінінде 24 жастағы жүргізуші отырғаны белгілі болды. Оның атына жалпы сомасы 1 400 000 теңгені құрайтын төленбеген 25 айыппұл тіркелген.
Жүргізуші барлық айыппұлды жылдамдықты шамадан тыс асырғаны үшін арқалаған. Материалдар жиналып, сотқа жолданды. Көлік қарызы толық өтелгенге дейін айыппұл тұрағына қойылды, - дейді ШҚО ПД баспасөз қызметі.
Сондай-ақ жүргізуші көлік құралын тіркеусіз басқарғаны үшін де әкімшілік жауапкершілікке тартылды.
Фото: astanatv.kz
Қатысты сілтемелер:
Тағыда оқи отырыңыз:
