Өз сайлау учаскеңді қалай тексеріп алуға болады?

Елімізде 6 қазанда «Сіз Қазақстанда атом электр станциясын салуға келісесіз бе?» деген сұрақ бойынша Республикалық референдум өтеді.

Осы ретте Өскемен қаласының әкімдігі тұрғындарды сайлау учаскелерін тіркелген мекенжайы бойынша алдын ала тексеріп алу керек екенін ескертеді, деп хабарлайды F16.kz сайты.

Оны @vote_vko_bot телеграм-ботында немесе 109 бірыңғай байланыс орталығы арқылы тексеруге болады. Сондай-ақ өз сайлау учаскеңізді digital East қосымшасы арқылы да біле аласыз. 

Телеграм-ботта немесе қосымшада сіз туралы деректер болмаса, онда 8 (7232) 266536 телефон номері арқылы Call-орталыққа хабарласу қажет. 

Call-орталықтың осы номер арқылы сайлау процессіне, дауыс беру процедурасына және сайлау учаскелерінің жұмысына қатысты заңнамалық нормалар туралы ақпарат алуға болады.

Фото: Ulysmedia