ШҚО-да 26 мыңнан астам адам көлік салығын төлемеген, өсімпұл жүріп жатыр

Биылғы 2 сәуірден бастап көлік салығын төлемеген жеке тұлғаларға әрбір кешіктірілген күнге өсімпұл есептеледі, деп хабарлайды F16.kz.

Шығыс Қазақстан облысы мемлекеттік кірістер департаменті 2024 жылғажеке тұлғалардың көлік құралдарына салық төлеу мерзімі биылғы 1 сәуірде аяқталғанын мәлім етті. Ал 2 сәуірден бастап мерзімі өткен әрбір күн үшін Ұлттық банктің ресми қайта қаржыландыру мөлшерлемесінің 1,25 еселенген мөлшерінде өсімпұл есептеледі. Яғни, төлем неғұрлым ұзақ кешіктірілсе, қарыз сомасы соғұрлым артады.

Салықты уақтылы төлемеген жағдайда, салық органдары қарызды 30 жұмыс күні ішінде өтеуді талап ететін хабарлама жібереді. Егер, 30 күн өткеннен кейін салық төленбесе және қарыз сомасы 1 АЕК-тен асса, салық бұйрығы шығарылады. Оны 5 жұмыс күні ішінде орындау қажет, – деп хабарлады салық департаментінен.

Бұдан әрі салық берешегін мәжбүрлеп өндіріп алу үшін мүлікке тыйым салу және алып қою, шоттарды бұғаттау сияқты өндіріп алу шараларын қолдануға жеке сот орындаушыларына беріледі. Ал берешек мөлшері 40 АЕК-тен асса жеке тұлғаның елден шығуына тыйым салуға салық бұйрығы шығарылады. Сонымен қатар жеке сот орындаушыларымен берешек сомасынан басқа, берешек сомасының 25% мөлшерінде жеке сот орындаушының қызметтері үшін қосымша сома өндіріп алады.

Қазір облыста 26 139 тұрғын көлік салығын уақытында төлемеген, берешектің жалпы сомасы – 861,1 млн теңге.

Фото: F16.kz/жасанды интеллект

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0