Өскеменде жылу маусымы ертең аяқталады

Облыс орталығында жылыту маусымы 22 сәуірде аяқталады, деп хабарлайды F16.kz тілшісі.

«Өскемен ЖЭО» ЖШС, «Согра ЖЭО» ЖШС (Жаңа Согра кенті), Геологиялық көшесі, 1/9 бағытындағы ОЖП №3 қазандықтың жылу көздеріне қосылған тұтынушылардың өтініші бойынша төмендетілген гидравликалық өлшемдерде жылу жүйелерін пайдалануға рұқсат етіледі:

- балабақшаларға, мектептерге, ауруханаларға, оның ішінде есепке алу аспаптары жоқ мекемелерге - 25.05.2025 ж. дейін;

- жылыту жүйелерінде жылу энергиясын есепке алу аспаптары бар, меншік нысандары әртүрлі жеке және заңды тұлғаларға - 25.05.2025 ж. дейін;

- жылу жүйелерінде жылу энергиясын есепке алу аспаптары бар меншік нысанына қарамастан жеке және заңды тұлғаларға - 25.05.2025 ж. дейін;

- өтініштер https://edoc.ukteplo.kz коммуналдық қызметтер орталығы арқылы қабылданады.

Әрбір тұтынушы өз өтінішінде міндетті түрде «төмендетілген гидравликалық өлшемдерде жылу беру жүйелерін пайдалануға келісемін» деп қосымша көрсетуі қажет. Сонымен қатар тұтынушылар өтініштерін М. Горький көшесі, 61 мекенжайындағы «Шығыс Жылу» АҚ, дербес қызмет көрсету орталығы мекенжайына өткізе алады. Жұмыс кестесі сағат 08:00 – ден 18:00 – ге дейін түскі үзіліссіз, сенбі күні сағат 09:00 – ден 14:00 – ге дейін, - дейді «Шығыс Жылу» АҚ өкілдері.

Еске сала кетейік, бұған дейін Өскемен қаласында жылыту маусымын 16–17 сәуірде аяқтау жоспарланған. Алайда ауа райының қолайсыздығына байланысты жылыту маусымының аяқталу мерзімін кейінге шегеру туралы шешім қабылданды.

Фото: nur.kz

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0