Күн күрт суиды: Қазгидромет ескерту жасады  

Мамырдың 19-20 күндері еліміздің бірқатар аймағында күн күрт суып, жауын-шашын болады. Кей аймақтарда бұршақ жауып, жел соғады, деп хабарлайды F16.kz.

Бұл күндері еліміздің үш ірі қаласында және Шығыс Қазақстан облысында ауа райы келесідей болады:

Астана

Күн бұлттанады, бірақ жаңбыр жаумайды. Секундына 5-10 метр жылдамдықпен жел соғады. Ауа температурасы түнде+9°C, күндіз +21°C болады.

Алматы

 Күн бұлттанып, жаңбыр жауады, найзағай ойнайды. Кей жерлерде бұршақ жауып, желдің жылдамдығы 15-20 м/с-қа дейін жетеді. Ауа температурасы түнде +13°C, күндіз +22°C көрсетеді.

Шымкент

Күн бұлттанады, бірақ жауын-шашын болмайды. Желдің екпіні 8-13 м/с-қа дейін жетеді. Ауа температурасы түнде +15°C, күндіз +28°C көрсетеді.

Шығыс Қазақстан облысы

Облыс орталығы – Өскеменде күн бұлтты, жауын-шашын болады. Найзағай ойнап, бұршақ жауады деп болжанып отыр. Желдің екпіні 15-20 м/с-қа дейін жетеді. Ауа температурасы түнде 15°C, күндіз 18°C көрсетеді.

Фото: F16.kz