Ләззат Қанатқызы
Өскемен / Жаналықтар
Өскемен: 18 учаскенің жолы жөнделіп жатыр
Шығыстың бас шаһарында жол жөндеу жұмыстары қарқынды жүргізіліп жатыр. Бүгінде жалпы ұзындығы 17 шақырым болатын 18 учаскеде жұмыс басталып кеткен.
Жергілікті билік өкілдерінің айтуынша, биыл жөндеу жұмыстары жылдағыдан ерте басталған.
- Қалада жұмыс қызу жүріп жатыр. Биыл жөндеу науқаны әдеттегіден ертерек басталды. Бұл жол инфрақұрылымын жаңарту көлемі мен қарқынын арттыруға мүмкіндік береді, - деді қала әкімі әлеуметтік желідегі парақшасында.
Қазір 18 учаскеде жол жөнделіп жатыр. Бұған қоса, ұзындығы 7,7 шақырым болатын тағы 17 учаскеде жөндеу жұмыстары жоспарланған.
Сондай-ақ қала әкімдігі бұл жолдар тізімі алдағы уақытта толықтырылып отыратынын айтады. Жаңа жаңа учаскелерді қосу туралы шешім қала тұрғындарымен кездесулер мен келіп түскен өтініштерді талдау нәтижесінде қабылданады.
Қатысты сілтемелер:
Тағыда оқи отырыңыз:
«Ұрпаққа не қалдырамыз?!» Тарбағатай жұрты кен қазушылардың әрекетіне алаңдап отыр
Қыста қар құрсауында қалып, жазда батпаққа батады. Жол азабын тартқан шекарадағы ауылдар
Шығыстың шекаралық аудандарында қандай мәселелер туризмге тұсау болып отыр?
Жарық жоқ, су тапшы, жолы батпақ. Өскемен түбіндегі саяжай тұрғындары қалай өмір сүріп жатыр?
Іргесі көгеріп, сыз тартқан үйлер, баспана зарын тартқан отбасылар. Риддер қаласы тұрғындарының шағымы
