Ләззат Қанатқызы
Өскемен / Жаналықтар
Өскемен – Алтай тасжолы қалпына келтіріліп жатыр
Өскемен – Алтай – Үлкен Нарын – Катонқарағай – Рахман қайнары тасжолын қалпына келтіру жұмыстары жүргізіліп жатыр.
Кеше республикалық маңызы бар көлік жолының 57-ші шақырымында тау беткейінен аққан қар суы жол жиегін жырып кеткен. Көлік қозғалысының қауіпсіздігін қамтамасыз ету мақсатында бірден қозғалысқа шектеу енгізілді. Қазір қалпына келтіру жұмыстары тәулік бойы, үзіліссіз жалғасуда.
- Қосымша күштер тартылып, «ҚАЖсервис» ЖШС-нің ШҚО филиалы мен «Kurylys Group RK» ЖШС-нің арнайы техникасы жұмылдырылды. Қазір оқиға орнында «ҚАЖсервис» ЖШС-нен 1 тиегіш, 1 автогрейдер, 7 самосвал, «Kurylys Group RK» ЖШС тарапынан 2 экскаватор, 1 тиегіш, 10 самосвал жұмыс істеп жатыр. Таңғы 7.00-дегі жағдай бойынша, 3 100 тонна жартас топырағы төселді. Учаскені толық нығайту үшін қосымша шамамен 2 500 тонна материал қажет, ол Осинов асуын айналып өтетін қайта жаңғыртылып жатқан учаскеден жеткізіп жатырмыз, - деді "ҚазАвтоЖол" ҰК ШҚО филиалының директоры Нұрбек Темірханов.
Жұмыстар жоспарға сәйкес аяқталса көлік қозғалысына қойылған шектеу бүгін сағат 15:00 шамасында алынады.
Фото: «ҚазАвтоЖол» ҰК» АҚ ШҚО филиалының баспасөз қызметі
Қатысты сілтемелер:
Тағыда оқи отырыңыз:
«Ұрпаққа не қалдырамыз?!» Тарбағатай жұрты кен қазушылардың әрекетіне алаңдап отыр
Қыста қар құрсауында қалып, жазда батпаққа батады. Жол азабын тартқан шекарадағы ауылдар
Жарық жоқ, су тапшы, жолы батпақ. Өскемен түбіндегі саяжай тұрғындары қалай өмір сүріп жатыр?
Шығыстың шекаралық аудандарында қандай мәселелер туризмге тұсау болып отыр?
Шекарадағы ауылдарда құдықтар құрғап, құбырлар қаңсып жатыр, ал халық өзеннен су ішіп отыр
