Киіз үйдегі QUIZ

Ғашықтар мерекесіне орай Өскеменнің орталық алаңында QUIZ ойыны өтті, деп хабарлайды F16.kz тілшісі.

Eastiler ұлттық-патриоттық қоры бұл жолы ойынды қалалық мәдениет және тілдерді дамыту бөлімінің қолдауымен еліміздегі ең үлкен киіз үйде ұйымдастырды.

Этно QUIZ - елімізде баламасы жоқ ойын. Біз бұл идеяны 2023 жылы алғаш болып жүзеге асырдық. Бұл Өскеменде дамып келе жатқан екінші Quiz ойыны екенін айта кету керек. Қазір түрлі мерекелерде ұйымдастырып тұрамыз. Ғашықтар мерекесіне орай өткізген ойынға жиыны 26 команда қатысты. Қатысушылардың барлығы жоғары дайындықпен келіп, тартысты ойын көрсетті, - дейді ойынды ұйымдастырушы Аян Қалымбеков.

Интеллектуалды ойынның қорытындысы бойынша жүлделі 1-орынға «Бұқар жырау» командасы ие болды. «Апыр-топыр» деп аталатын команда 2-орынды місе тұтты. Үздік үштікті «Park city» командасы түйіндеді. Жүлдегер болған командалар демеушілер ұсынған сыйлықтармен марапатталды.

Айта кетейік, кейінгі жылдары Шығыстың бас шаһарында ғана емес, облыстың түкпір-түкпірінде қазақша Quiz ойыны қарқынды дамып келеді. Зияткерлік ойынның тұрақты қатысушылары ай сайын өткізілетін ойында бас қосып, жүлдені сарапқа салады.

Фото: F16.kz

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0