Көпбалалы отбасын мерекемен құттықтады - Өскемен

Жыл сайын 15 мамырда бүкіл әлемде отбасы күні тойланады. Айтулы мерекеге орай Өскемен қаласы әкімдігінің өкілдері көпбалалы отбасын құттықтады, деп хабарлайды F16.kz тілшісі.

Махаббат пен бірлікті ту еткен Дәурен Калигажинов пен Әйгерім Калигажинова бүгінде жеті бала тәриелеп отыр. Бұл отбасында екі рет егіз балалар дүниеге келген.

Бізді ерекше отбасы деп жатады. 2016 жылы “Жас отбасы” бағдарламасымен осы үйді алдық. Қазір құтты баспанамызда 5 қыз, 2 ұл тәрбиелеп отырмыз. Бірінші егіз қыздарым дүниеге келді, одан кейін ұлдарды өмірге әкелдім. Көпбалалы отбасы ретінде арнайы келіп, құрмет көрсетіп жатқанына қуанштымын. Әр отбасына мықты денсаулық, саналы ұрпақ тілеймін, - деді көпбалалы ана Әйгерім Калигажинова.

Отбасы күнін кеңінен атап өту отбасылық құндылықтарды ілгерілетуге, отбасы мен некенің жағымды бейнесін дамытуға, отбасындағы сүйіспеншіліктің, өзара түсіністік пен қолдаудың маңыздылығын көрсете отырып, отбасы мәртебесін көтеруге ықпал етеді.

Өрелі ұл, өнегелі қыз тәрбиелеп отырған отбасына Өскемен қаласы әкімінің орынбасары Ирина Смит пен қалалық ішкі саясат бөлімінің басшысы Ринат Ахметжанов көпбалалы отбасына арнайы барып, балаларына базарлық жасады.

Сіздердей отбасыларды көпке үлге етеміз. Ертеңгі еліміздің болашағы осы өсіп келе жатқан бүлдіршіндердің қолында. Сондықтан жас та болса, еліміздің дамуына, ұрпақ тәрбиесіне зор үлес сіңіріп жатқандарыңыз үшін алғыс білдіреміз, - деді Өскемен қалалық ішкі саясат бөлімінің басшысы Ринат Ахметжанов.

Өз кезегінде елеп-ескере келген азаматтарға Әйгерім Калигажинова алғысын білдірді.

Фото: F16.kz

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0