Зайсанда соғыс ардагері туралы деректі фильм түсірілді

Зайсан ауданында қазір жалғыз Ұлы Отан соғысының ардагері тұрады. 9 мамыр қарсаңында 102 жастағы Құрманқожанов Закен ата туралы деректі фильмнің тұсаукесері өтеді, деп хабарлайды F16.kz тілшісі.

Айта кетейік, ауданнан соғысқа 7760 адам шақырылып, оның 6702-сі ұрысқа қатысқан. 3229 адам қайтып оралса, 1817-сі майданда қаза тауып, 2923 адам хабар-ошарсыз кеткен.

Кеңес Одағының Батыры Головченко Василий Евстафьевич, үш дәрежелі «Даңқ» орденінің иегері Бокажанов Қыдырпатша және соғыс ардагерлерімен теңестірілген Сарсекееев Ғадылбек пен Гутовский Виктор Зайсаннан шыққан. Қазір жалғыз соғыс ардагері – 102 жастағы Құрманқожанов Закен ата мен 97 тыл еңбеккері тұрады. Жақында Ұлы Отан соғысының ардагері туралы деректі фильм түсірілді. 9 мамыр қарсаңында тұсаукесері өтеді, – дейді аудан әкімдігінің өкілдері.

Сондай-ақ, ауданда 58 адам «Қызыл Жұлдыз» орденімен, 3 адам «Қызыл Ту» орденімен, 590 адам І және ІІ дәрежелі «Жеңіс» медальдарымен, 12 адам ІІ–ІІІ дәрежелі «Құрмет» орденімен марапатталған. 1 адам – «Құрмет» орденінің иегері.

Ұлы Жеңіс күнінің 80 жылдығына орай соғыс ардагері мен тыл еңбеккерлеріне бір реттік қаржылай көмек көрсетіліп, демеушілердің қолдауымен азық-түлік себеттері мен естелік сыйлықтар табыстау жоспарланып отыр.

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0