ШҚО-да этносаясатқа ерекше көңіл бөлінген

Бүгін Президент жанындағы Мемлекеттік басқару академиясының ШҚО филиалы Қазақстан халқы Ассамблеясының 30 жылдығына орай «Бірлік пен жасампаздыққа – 30 жыл» тақырыбында дөңгелек үстел отрысын өткізді, деп хабарлайды F16.kz тілшісі.

1995 жылы 1 наурызда Қазақстан халқы Ассамблеясына Президент жанындағы консультативті-кеңесші орган мәртебесін беру туралы Мемлекет басшысының Жарлығы шықты. Бүгінде мемлекетіміздің бейбітшілік пен тұрақтылығын сақтаудың бірегей институы ретінде қалыптасқан Ассамблея биыл 30 жылдық мерейтойын атап өтеді.

Біздің ел көпұлтты мемлекет болғандықтан бейбітшілік пен тұрақтылықты сақтау өте маңызды. Ол мемлекеттің дамуына септігін тигізеді. Мемлекеттік қызметшілер елдегі этносаясатты іске асырады. Сондықтан бұл салада көп жұмыс атқарылып жатыр. Мемлекеттік басқару академиясында Өзгерістер кеңсесі құрылған. Бүгінде онда «Бір ел - бір тағдыр» деп аталатын үлкен жоба жүзеге асырылып жатыр. Жоба аясында мемлекеттік қызметшілер арасында сұхбат жүргіздік. «Ел бірлігі дегеніміз не?», «Қоғамда ынтымақтастықты қалай нығайтамыз?» деген сұрақтар қойылды. Жуықта қорытындысы шығады, - деді Президент жанындағы Мемлекеттік басқару академиясы облыстық филиалының директоры Жанар Боқанова.

Сондай-ақ облыстық филиал мамандары этносаясат бойынша мемлекеттік қызметшілерді оқытатын арнайы оқу бағдарламасын ұсынған.

Дөңгелек үсталге мемлекеттік органдардың, Қазақстан халқы Ассамблеясы Шығыс Қазақстан облысының ғылыми қауымдастық өкілдері, этносаясат, этнодемография саласындағы жетекші сарапшылар, жастар ұйымдарының өкілдері, саяси партиялардың жастар қанаты өкілдері қатысты.

Облыс бойынша мемлекеттік қызметте де түрлі этнос өкілдері жұмыс істейді. Жылдан-жылға көрсеткіш артып келе жатқанын айта кету керек. Мемлекеттік қызметке қызыққан барлық азаматқа талап бірдей, конкурс арқылы жұмысқа алынады. Нақтырақ айта кетсем, облыста 85 пайыз қазақтар жұмыс істейді. Ал орыс ұлты өкілдерінің үлесі – 13 пайыз, қалған 2 пайызы өзге этноастар, - деді Мемлекеттік қызмет істер агенттігінің ШҚО бойынша департамент басшысы Ержан Айқымбеков.

Дөңгелек үстел отырысына қатысушылар әлеуметтік-экономикалық үдерістер жағдайындағы Қазақстанның демографиялық дамуы, ҚХА-ның ғылыми-сараптама қызметі, әлеуметтік тұрақтылық мәселелері бойынша әлеуметтік зерттеулердің нәтижелерін талқылады.

Фото: F16.kz

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 1

Ұнамады 0