Қазақстанда мұнай өңдеу көлемі 10,8%-ға артты

Еліміздің Энергетика министрлігі биылғы қаңтар-сәуір аралығындағы мұнай өңдеу кәсіпорындарының жұмыс қорытындысын шығарды, деп хабарлайды F16.kz.

Елдің ірі мұнай өңдеу зауыттарында 2025 жылдың алғашқы төрт айында 6,092 млн тонна мұнай өңделді. Бұл көрсеткіш былтырғы сәйкес кезеңмен салыстырғанда 10,8%-ға жоғары.

Өңдеу көлемінің артуы ішкі және сыртқы нарықтарда сұранысқа ие негізгі мұнай өнімдері өндірісінің ұлғаюына басты фактор болды.

Атап айтқанда бензин өндірісі 25,4%-ға артып, 2,082 млн тоннаға жетті, дизель отынының өндірісі 18,9%-ға өсіп, 1,921 млн тонна болды, авиациялық керосин өндірісі 5,3%-ға артып, 0,255 млн тонна болды.

Энергетика министрлігі мұнай өңдеу саласының тұрақты жұмысын қамтамасыз ету, ішкі нарықты мұнай өнімдерімен сенімді жабдықтау, сондай-ақ кәсіпорындардың тиімділігі мен технологиялық даму деңгейін арттыруға бағытталған стратегиялық шараларды іске асыруды жалғастырады.

Фото: ШҚО өңірлік коммуникациялар қызметі