Қарағандыда адам ішінде медициналық ине қалып қойған

Қарағандыда жаға ұстарлық жағдай болды. Дәрігерлер операция кезінде науқастың ішінде медициналық инені ұмыт қалдырған. Бұл туралы әлеуметтік желіде бейнежазба таратқан тұрғын Алик Сагин айтты, деп хабарлайды F16.kz.

ОҚИҒАНЫҢ МӘН-ЖАЙЫ

Биылғы 14 сәуірде Алик Сагин (суретте) оң жақ қабырғасы ауырып Қарағанды облыстық клиникалық ауруханасына барған. Науқасқа плеврит, яғни өкпе қабықшасының қабынуы деген диагноз қойылып, жедел операция жасалған. Операциядан соң екінші қайтара рентгенге түскенде кеудесінің оң жағында медициналық ине тұрғаны анықталған.

15 сәуірде маған күрделі ота жасалды, ол тоғыз сағатқа созылды. Отадан кейін мені фтизиатрия орталығына жатқызды. Сол жерде қайтара рентгенге түсірді және кеудемнің оң жағында медициналық ине тұрғанын байқады, – деді ол.

НАУҚАСТЫҢ ЖАҒДАЙЫ МӘЗ ЕМЕС

19 сәуірде оған тағы да операция жасалып, дәрігерлер кеуде қуысындағы бөгде затты алып тастаған. Дегенмен науқас жағдайы мәз емес екенін, денсаулығы күннен-күнге нашарлап бара жатқанын айтады.

Денсаулық сақтау минитрлігінен бұл жағдайды назардан тыс қалдырмауды сұраймын. Өйткені хирург менімен хабарласуға тырысқан да жоқ. Істі жылы жауып қоя салды. Ешкім байланысқа шықпады, ал мен қазір жұмысқа жарамсызбын, – деді Алик Сагин.

ДЕНСАУЛЫҚ САҚТАУ БАСҚАРМАСЫ НЕ ДЕЙДІ?

Қарағанды облыстық денсаулық сақтау басқармасы бұл оқиғаға байланысты қызметтік тексеру басталғанын, нәтижесінде тиісті шаралар қолданылатынын хабарлады. Ал аталған ер адам амбулаториялық емге ауыстырылғанын мәлім етті.

Клиникалық-рентгенологиялық динамика оң нәтиже көрсетті. Денсаулыққа зиянның бар-жоғы тәуелсіз сарапшылар комиссиясының отырысынан кейін шешілетін болады, – делінген хабарламада.

Фото: видеодан алынған кадр

Ctrl

Enter

Қатені көрсеңіз

Мәтінді белгілеп Ctrl+Enterбасыңыз

Пікірлер (0)

Мы в

Ұнады 0

Ұнамады 0